اسلام اور مسلمانوں کے تئیں وزیر اعظم کا جذبہ فرقہ وارانہ صورتحال کے برعکسـ شاہی امام

ہندوستان میں قیام امن کے لئے وزیراعظم مودی ملک میں چلائی جارہی نفرت انگیز اور اشتعال انگیز مہم کو بند کرائیں:بخاری نئی دہلی، 18 مارچ (یو این آئی) شاہی امام مولاناسیداحمدبخاری نے کہا ہے کہ وزیراعظم مسٹر نریندرمودی نے قرآن کریم اور اسلامی تعلیمات کے تئیں جس جذبہ او رتأثر کااظہار کیاہے اس سے پتہ چلتاہے کہ مسلمانوں کے خلاف ملک میں چلائی جانے والی مبینہ نفرت انگیز اور اشتعال انگیز مہم کھوکھلی اور بے بنیاد ہے۔
گزشتہ روز



وگیان بھون میں عالمی صوفی کانفرنس کا افتتاح کرتے ہوئے وزیراعظم نے کہاتھا کہ’’ اسلام کا مطلب ہی امن ہے‘‘ انہوں نے قرآن کریم کی اس آیت کا بھی ذکر کیا جس میں کہاگیا ہے کہ ’’ دین میں زور زبردستی نہیں ہے‘‘۔
مولانابخاری نے یہ کہتے ہوئے کہ وزیراعظم پراگر اسلام اور مسلمانوں کے تعلق سے حقیقت آشکارا ہے توا نہیں سب سے پہلے گجرات فسادات کے متاثر مسلمانوں کو انصاف دیناچاہئے اور ان کی اقتصادی بازآبادکاری کیلئے پیکیج بھی دیئے جانے چاہئیں۔